معرض السيارات بالدار البيضاء 2024 سيتروين C4 X الجديدة كليا غتكون حاضرة في معرض السيارات بالدار البيضاء (اوطوإكسپو) وغيكون حضورها كترويج لتسويقها الرسمي بالمغرب صيف 2024
أول سيارة لي كيتم انجازها من طرف فريق تصميم pierre Leclercq ..... فريق حمق ومسطي وهارب ليه هههه بحيث انه خذاو شاصي هاتشباك ديال C4 ودمجوه بثلاثة تصاميم لشاصيات مختلفة (السيدان والفاستباك و السوڤ) باش يخرجو هاد التحفة بشاصي سيدان شرس
هاد السيارة تم صنعها باسبانيا وبالضبط (مدريد) وكتعتمد على القاعدة الشهيرة CMP لمجموعة Stellantis المعتمدة في pgt 208 ،2008 ،و Opel Corsa و Moka و DS3 .
الطول ديالها زايد على C4 الحالية ب 24 سنتيمتر الشيء لي كيجعل حجم صندوقها يصل إلى 510 لتر . والمقاعد الخلفية كتوفر مساحة وراحة أفضل من C4 الحالية بفضل انحناءات أكبر لكراسيها
هاد الفئة خرجات خصيصا باش تنافس Logan بعد فشل تصاميم ستونلانتيس المحتشمة (301 و سيليزي) وكتستهذف زبناء يبحثون عن الجوانب العملية مثل العائلات وسائقي الطاكسي خاصة فالدول النامية وأسواق متوسطة الذخل 
مثل شمال افريقيا وامريكا اللاتينية واوروپا الشرقية
مثل شمال افريقيا وامريكا اللاتينية واوروپا الشرقية وبطبعية الحال غتكون نسخة حسب الطلب موجهة للسوق الأوروپية
غالبا غتجي بمحرك پوجو آش دي حيث هو الوحيد المتفوق على Dci لرونو بحكم عمره الطويل واعطابه الشبه منعدمة وحتى فالأداء والاستهلاك
المشكل الوحيد هو غلاء قطع غياره بحكم ان غالبيتها ما كيتصنعش فالمغرب وتركيا الشيء لي غادي يخلي الضاصرة ضاصرة فثمنها فالبالي
اما الجديد فما غيكونش فرق
واذا كانت فرصة حضور اوطوإكسپو فأكيد غندير مراجعة ليها شاملة
