قانون الشيكات في المغرب - القانون رقم 71.24 pdf
كل ما خصك تعرف على القانون الجديد ديال الشيكات في المغرب - القانون رقم 71.24 السلام عليكم، اليوم غادي نهضرو على واحد الموضوع كيهمنا كاملين، سواء كنتي تاجر، مقاول، أو مواطن عادي. كاين تغييرات كبيرة ومهمة بزاف في القانون ديال الشيكات في المغرب القانون رقم 71.24 اللي دخل حيز التنفيذ رسمياً. الهدف من هاد التغييرات هو يخففو شوية من العقوبات الحبسية ويشجعو الناس يخلصو اللي عليهم بلا ما يدخلو للحبس. أجي نشوفو أهم 6 نقط جابها هاد القانون. النقطة الأولى: تخفيض العقوبة الحبسية أول حاجة تبدلات هي مدة الحبس. شحال هادي كانت العقوبة كتوصل من عام حتى لـ 5 سنين. دابا مع القانون الجديد، العقوبة نقصات وصارت ما بين 6 شهور و3 سنين فقط. هادشي كيعني أن المشرع بغا ينقص من القسوة ديال العقوبة الجنائية. النقطة الثانية: الشيك بين العائلة - مابقاش فيه الحبس هادي نقطة مهمة بزاف! القانون الجديد لغى العقوبة الجنائية يعني مابقاش الحبس إذا كان الشيك بدون رصيد ما بين الأزواج، أو ما بين الأصول والفروع يعني الوالدين مع ولادهم. مثلاً: إذا عطيتي لمرتك شيك وما لقاش الصرف، مابقاش من حقها تدعيك جنائياً وتصيفطك...
