السيارات المعفاة من الضريبة بالمغرب 2024 - الإعفاء الضريبي للسيارات بالمغرب 2024
درت بحث صغير على الضريبة على السيارات في فرنسا اللي تنقلو منها كلشي و الجزائر و تونس اللي نوغمالمون عندنا نفس القدرة الشرائية، أولا هاد الضريبة تلغات في فرنسا و ولات في بلاصتها ضريبة على البيئة يعني كل ما طوموبيل تاتكون مضرة للبيئة تاتخلص أكثر، في الجزائر أغلى ضريبة هي 600 درهم مغربية و اللي تاتنقص مع أقدمية السيارة بما أن تا قيمة السيارة تا طيح مع الوقت، في تونس أغلى ضريبة هي 3000 درهم ديالنا اللي تنخلصو عليها في المغرب 20000 درهم و في تونس تصدمت أنهم تيفرقو بين الضريبة على السيارات اللي تيملكها الأشخاص العاديين و الضريبة على السيارات اللي تيملكها الشركات.
يعني حنا في المغرب عندنا أغلى سعر للمحروقات و أغلى ضريبة على السيارات في المنطقة و زيد عليها كلشي بالفلوس و غالي و تا لاصورنس زادو فيها، الأوطوروت عندنا غاليا تا هي، بلا ماندوي على الحفاري اللي تيخرجو على طوموبيلتك و زيد عليها اللي تيخرج من الحبس تيلبسوه جيلي صفر و يخليوه في صراع مع السائقين.
و بصفة عامة هادي هدرة تاتبقى في الفايسبوك أحسن حاجة خاص كلشي مايحركش طوموبيلتو على الأقل نهار واحد و تشوفو ديك ساعة كيفاش الحلول غايبانو من سما