paiement vignette 2024 maroc en ligne

شهر 1 غادي يدخل وغادي يدخل معاه التفكير فالضريبة ديال الطموبيل..

هنا غادي نعطيكم بالتفصيل الطرق باش تخلّص هاد الضريبة والمصاريف ديال كل طريقة.. 

المديرية العامة للضرائب فالمغرب دارت واحد السيستيم ف 2024 باش تخلصو الضريبة ديال الطموبيل بشراكة مع البنوك ونقط الأداء.. 

paiement vignette 2024 maroc

هاد السيستيم لي كيعطيك فرصة تخلّص بالشكل لي كيعجبك، بمصاريف متنوعة..

فمثلا اختاريتي تخلّص نقدا فالبنوك ولا نقط الأداء، غادي يخصّك تختار البلاصة لي عجباتك وتاخد معاك البطاقة الرمادية (كارط گريز).. 

 ¶ هاد الخدمة كتخلّص عليها 23 درهم ¶

 

أما إلا اختاريتي تخلّص من الأنترنت فالموقع www.vingette.ma فغادي يخصّك تدخل المعلومات ديال الطموبيل (لوحة الترقيم، القوة الجبائية و نوع الوقود واش مازوط ولا إصانص) ومن بعد دخّل المعلومات الخاصة ببطاقتك البنكية.. 

¶ هاد الخدمة كتخلّص عليها 12 درهم ¶

 

بالنسبة للشباببك الأوطوماتيكية، يكفيك تدخّل الكارط گيشي والرقم السري ودخل لخدمات أخرى من بعد فواتير ومن بعد الضريبة على السيارات.. كتدخّل المعلومات ديال الطموبيل وكتخلّصها.. 

 

وباش تخرّج التوصيل غادي يخصّك تدخل للموقع www.vingette.ma وتدخل للرابط consulter et imprimer votre attestation.

دخّل المعلومات ديال الطموبيل و اضغط على rechercher

وغادي تبان ليك صورة فيها المعلومات كاملة مع التأكيد ديال الخلاص ديال الضريبة.. .تيليشاري التوصيل وطبعو....

¶هاد الخدمة كتخلّص عليها 5,5 درهم ¶