www cnss ma كشف الحساب

 

كيفاش تخلص على راسك فالضمان الاجتماعي :

بغيتي تخلص على راسك ف cnss هاد القضية كاينة ولكن بشروط ...

هاد القضية عند cnss كايݣولو ليها التأمين الإختياري assurance volontaire
الشرط الأول اللي كايطلبو ليك هو خص تكون عندك 1080 نقطة يعني ديجا سبق ليك خدمتي فشي شركة وجمعتي ديك 1080 نقطة ولا كثر وبدلتي الخدمة بشي حاجة حرة ديال راسك ديك الساعة يمكن ليك تخلص على راسك 
 
أما بالنسبة الناس اللي ماعندهمش cnss نهائيا وبغاو يصايبوه ويخلصو على راسهم هاد القضية ماكايناش حل واحد اللي عندك هو تشوف شي شركة ولا مقاولة تخلصها وهي ديكلاريك بحال يلا خدام عندها حتى توصل 1080 نقطة ولكن هاد القضية كاتقام عليك غالية على أنك تخلص منك ل cnss يعني كاتقام غالية على التأمين الإختياري
أما الشرط الثاني هو يلا عندك 1080 نقطة خصك تدفع الضوسي ديال تخلص على راسك فقل من 5 سنين على نهار اللي خرجتي من الخدمة ولكن يلا عندك كثر من 2160 نقطة وقتما دفعتي داك الضوسي مابقاتش ديك 5 سنين كاطبق عليك
5 سنين كايطبقوها على اللي فايت 1080 نقطة ولكن عندو قل من 2160 نقطة 
 
دابا شحال غاتخلص
كايشدو الصالير ديال ستة أشهر لخرا باش مديكلاري قبل ماتخرج من الخدمة
كايجمعو الصاليرات ديال ديك 6 أشهر وكايقسموه على 6 باش يخرج ليهم واحد الخارج بحال يلا راك مديكلاري بنفس الصالير فديك 6 أشهر
وداك الخارج اللي خرج ليهم هو باش غاديكلاري راسك وغاتخلص عليه 12,89% ديال التقاعد و 4,52 ديال التغطية الصحية هي فالمجموع 17,41% أما فلوس الدراري راه ماكاتستافدش منهم
نعطيك مثال باش ماتشدك الدوخة بهاد الأرقام يلا كنتي مديكلاري مثلا ب 3000 درهم ف ستة أشهر لخرا قبل ماتخرج من الخدمة
غانشدو 3000 درهم وغانضربوها ف 17,41% واللي كادوخو النسبة المؤوية يضرب الصالير ف 0,1741
غايخرج ليه داكشي اللي غايخلص ويضربو ف ثلاثة أشهر حيت كاتخلص كل 3 اشهر ماشي كل شهر
3000×0,1741=522,3
522,3×3mois=1567
 
إذن اللي كان مديكلاري ب 3000 درهم غايبدا يخلص 1567 درهم كل 3 أشهر
أما أقل خلاص هو السميك 2828 درهم وكاتخلص على السميك 1477 درهم كل 3 شهور
نعاود نذكر باللي يلا كاتخلص على راسك راه ماكاتخلصش على الدراري

www cnss ma كشف الحساب

Plus récente Plus ancienne