قبل ما تشري ايفون عنداك تصيد

الناس لي باغيا تشري ايفون و بدات تسمع
بDemo(MDM) و bypass و turbo sim الخ.. انشرحليكم هاد التويشيات باش تاخدو فكرة و ماتقولبوش..
تلفون bypass متقدرش تدير ليه تحديث او تفورماطيه حيت كيكون فيه ايكلود مخفي و الفورماطاج والفلاش ضروري فبعض الاحيان مثلا تبلوكا او خسرليك او بقا واقف فاللوغو ميكبوتيش فضروري ايخصك تديرليه ريزيت للسيستيم يعني بحالتعاود تفورماطيه لاخر نظام او تحديث عن طريق itunes او u3 tools المشكل فهاد بيباس الا فورماطيتيه اتعاود يخصك تديرليه باي باس بثمن غالي وتزيد تاكتيفي سيم ب turbo sim شناهي هادي عاود بياسة كتديرها مع كارط باش كتبدل واحد لعيبة مسؤولة عن ريزو وتردو مقبول للتلفون مثلا تلفون كيخدم غي فرنسا مع اورنج او فودافون
منين كتذخلو مغرب كيطلبلك كود ديكوداج ريزو يعني مكيخدمش شرائح المغرب هنا كيجي دور ديال تيربو سيم
نرجعو لباي باس العيب فيه هو مكيخليكش دير ميز اجور او تحديث النظام وبالثالي الهاتف ديالك كولي اكثر عرضة الاختراق و مكتستافدش من امتيازات جديدة الخ كخلل فبعض التطبيقات او شي حاجة فالهاردىير لكتصلح بالتحديثات الجديدة
النصيحة اللي غنقوليك متشريش هاد باي باس وخا الناس كيتلاحو ليهم بزاف حيت ناقصين خمسين فالمية على ثمن ديال ايفون خدام عادي علاش اغلبيتهم كيكونوا مسروقين
و لا قدر الله مولاه مديكلاري به نهار تبغي تدوز كونجي مع الوليدات فالديار اوربية او ماريكان كن على يقين بللي اجيو يدقو عليك فلوطيل
او فينما كنت يجبدوك
اه نسيت داك ديمو MDM هنا لي كيكونوا فقاعة العرض
وحتا هما كيخصهم واحد كود باش يخدمو بثمن مكفوتش خمسمية درهم وفيه نفس مشاكل باي باس غي تعقلو على سطور لي تضرب فميريكان هما هادوك
اغلبيتهم بلوكاتهم الشركة و كاين لي رجعاتهم حيت مصالحين والو من غير يتباعو محلولين
نصيحة لي انقوليكم اخيرا داك لي كيبغي يدير فيها معلم ويشري زعما بانه يشوف ايطا د باطري 99% وًداي نقا كلشي ولا كيتقاد اولد عمي بواحد لاباراي كتطلع باطري بورسونطاج وحتى الحلان ولاو كيديروليه لحل بواحد ستيكر كيتحط بين لافيشور و العظم و كيزولو بلاستيك منو كتبقا غي كولا رقيقة فجناي كيبان بحال لا جديد و عمرو تحل و خا تحيد بلاصة السيم كارط و تبقا تنفخ مخيخوجشً النفس حيت مفيني مزيان
الحل لي كنخدمو به حاليا وخا ممضمونش مية فالمية هو تطبيق 3utools كيعطيك شنو تبدل و شنو تحيد الخ من أ حتى الياء
.
by Abdelk Ader