كيف تحمي حسابك انستاغرام و واتساب من الاختراق و السرقة

كيفاش نحمي راسي من الاختراق . قرا تا اللخر حيت هاد بوسط كتبتو وتعدبت عليه . لهدف منو واحد فقط الا وهو التوعية .

أولا هاد المنشور موجه للبنات بشكل خاص وتا المشاهير د انستگرام لي عندهم قاعدة لا بأس بها من المتابعين ولي فالغالب كيخدمو بوحدهم . ومكيكونش عندهم منادجر لي يسير ليهم الصفحة . ف شحال من واحد معروف ضرب تمارة على الصفحة ديالو تا طلعها وفاللخر هندسوه ولاد ناس بشوية د لقوالب وكيستغلو فيه ضعف الجانب التوعوي بالتقنية عند هاد الناس .
ف ختي ولا خويا خاصك تعرف بلي نتي ولا نتا المسؤول الوحيد لي كتعطي الفرصة لواحد يختارقك وياخد ليك البيانات ديالك عن طريق استخدام شوية د الهندسة الاجتماعية وباش منطولو هادشي ندوزو نيشان ل كيفاش نحمي راسي . وشنو هي أول خطوة غادي ديرها وكنقسم برب الكعبة يا ماتخاف شي حاجة وتيق فيا . أنا خوك كنهدر معاك .
أول خطوة وأهم مرحلة .
1 _ غاتمشي لبلاي صطور وغتشارجي وحدة من هاد التطبيقات لي غندكر ليك . ختار فيهم وحدة وخدم بيها . كلهم باشتراك سنوي كيختلف من تطبيق لتطبيق . المهم النسخة المجانية فيهم بجوج .
غتشارجي وحدة من هادو :
اجي بعدا ، اشنو الدور ديال هاد التطبيقات بتلاتة ؟
اسيدي هاد التطبيقات كيهنيوك من حريق المخ ديال كل مرة نسيت كود . وتعاود تبدلو وتعاود تنساه + أنهم كيعطيوك كلمات مرور قوية ومعقدة تقدر توصل تا ل 60رقم بين حروف وارقام ورموز ..مهم داكشي مزعلك ويستحيل هاكا شي حد اطيح فالكود ديالك عن طريق تخمين .
زائد أن هاد تطبيقات بتلاتة هما كيسجلو الدخول لأي موقع فبلاصتك وبلا متحمق راسك تبقا تكتب فلكود ..مغاديش نقدر نشرح كلشي باش بنادم ميهرب ههه ويحس بالملل . قلب ف يوتوب وتفهم مزياااان كيفاش كيخدمو .
2 _ تاني حاجة من بعد متناسطالي واحد من هاد التطبيقات سير لكاع الحسابات ديالك ( فايسبوك. انستا ..) وبدل داك مودبااص ديالك لي داير ودير كود جديد انطلاقا من تطبيقات لي دكرنا اعلاه وخزن فيهم كلشي .
3- تالت حاجة ومهمة بزااف بزاااف الا وهي خاصية المصادقة الثنائية فكاع الحسابات ديالك two factor authentication . هاد option ملي كتاكتيفيها ف لي كونط ديالك كون متأكد أنك غاتبقا امن الى خدمتي بالعقل . وكتعني أنه في حالة ما شي واحد فتح الكونط ديالك فشي جهاز واحد اخر تلفون، حاسوب ... غادي يوصلك كود فيه ستة أرقام كدخلو عاد تقدر دخل ..الى مفهمتي والو دير بوز وعاود قرا بشوية عليك ودعي معايا حيت صباعي ضروني هههه .
باش تاكتيفي هاد الخاصية عندك جوج د حلول :
يامّا ديرها عن طريق النمرة ديالك وهادي منصحكش بيها ( اقدر تمشي ليك نمرة وكلشي يوقف ليك من غير لكانت عندك ليها كونطرا ..)
باش تاكتيفي هاد option ففايسوك هاهو الرابط المباشر بلا متبقا تحمق راسك وتقلب . كليكي نيشان ياخدك للصفحة وقادها : https://bit.ly/2w7mTIh
الاختيار التاني وهو باش أنا خدام وباش نصحك وهو تخدم بتطبيقات كيديرو هاد لبلان وأحسن وحدة فيهم هيا هادي سميتها: Twilio Authy... (فيسبوك منعاتنا أننا نحطوا الرابط ديالها)
4 - رابع حاجة الى صيفط ليا شي واحد شي رابط مكنعرفوش منكليكيش عليه وتا لكليكيتي ملي دخل للموقع . حنزز مزيان فالرابط قبل متكتب معطيات ديالك فشي صفحة مزورة . ادن قبل منكتب معلومات ديالي فشي سيت نشوف مزيان الرابط .
5 - انسطالي انتيڤيروس فتلفون ديالك راه كيحمي بشكل كبير من روابط مفخخة. نصحك ب كاسبريسكي راه مخير .
6 - سادسا : فايسبوك ماعندو علاقة بواتساب ، الى وصلك اختي اخويا شي ميساح من نمرة مكتعرفهاش فواتساب فنمرتك وطلب منك تصيفط ليه شي كود عنداك تغلط . مباشرة روبورطيه لواتساب هما غيتكلفو .
7 - المعلومات الشخصية مكيتبارطاجاوش مع لبراني واخا يكون باك . الى عطيتي لشي واحد كود ديالك بحالا عطيتيه كيلوطتك هههه . اوا جمع(ي) راسك.
8 - نمرتك سجلها فسميتك فلاجونص وخلي كونطرا عندك فدار . الى وقع شي مشكل تقدر ترجعها .
9 - كاااع كونطات ديالك بدل ليهم كود ( فايسبوك ..جمايل ..انستا ...) وخدم بشنو قلنا لفوق .
نقدر نكون مشرحتش مزيان ونسيت بزاف ولكن خوكم عيان وگلت نحط هاد بوسط على وعسى القا اذان صاغية .
المصدر : maroc deep web