تطبيق حساب الشيك في الابناك المغربية

اليوما بغيت نهضر ليكم على واحد التطبيق لي كنعتابرو مهم بزاف لأي واحد عندو حساب الشيك فالبنكة..

هاد التطبيق فيه مميزات كثيرة وهو مجّاني ومتوفّر عند أغلببة البنوك.. باش تستعملوه خصكم تفعلو الخدمة فالوكالة ديالكم وتتبثو التطبيق باش تدخلو رقم الدخول identifiant والرقم السري mots de passe..

غادي نختارو كمثال تطبيق dabapay ديال Bmce..

من بين الإمتيازات ديالو أنك ممكن تجبد فلوسك بسهولة من الگيشي أوطوماتيك بلا ماتحتاج الكارطة، غير من التيليفون كتختار كما هو مبيّن فالصورة السحب من الشبّاك retrait Gab ويجيك فالهاتف ديالك رسالة فيها الرقم لي غادي تدخلو فالگيشي مع الرقم السري وتاخد حتى ل 4000 درهم بكل سهولة، وإلى كنتي محتاج المزيد من السيولة فممكن تعاود العملية أكثر من مرّة..

كيمكّن كذلك تشري ولا تبيع السلعة ديالك بظغطة زر عن طريق QR code من الهاتف ديالك بلا متحتاج تعمّر الشيك (بحكم الناس فقدو فيه الثقة) ولا تقلّب على الگيشي أوطوماتيك تجبد الفلوس باش تخلّص السلعة لي تقضيتي..
التحويل كايدوز فالبلاصة والمصاريف ديالو قليلة بزاف..

ممكن كذلك تخلّص الفواتير ديالك وتشارجي التيليفون..