خدمة الاداء عبر الهاتف M-wallet


في الايام المقبلة غادي تطلى التلفازة و فيسبوك بالاشهرات ديال هاد الخدمة الجديدة M-wallet و لي هي ببساطة تقدر تخلص من تليفونك غير ب SMS 
بشرط النمرتك تكون مديكلاريا عند المؤسسة البنكة او لا مؤسسة تحويل الاموال لي عندك فيها الحساب,

هاد القضية غادي تسهل على الناس التعملات ديالهم غادي ايتحل مشكل الصرف, بحال ايلا كارت فيزا بلا TPE, ولكن الطرفين بجوج خاص ايكون رقم الهاتف ديالهم مربوط مع حسابهم المالي الخاص بيهم 
زيد عليها بحال ليل بحال النهار فلوس كينين ايلا عندك التليفون مشارجي و الكونت فيه الصرف

ولكن في المقابل مالي تتقول الكاش ماكينش يعني مراقبة كثر و بالتالي ضريبة ما تتزكلش, فمثلا بدل ما تخلص الطبيب فلوس كاش خلصو بهاد الطريقة باش لفلوس ايدوزو ليه لحسابو او ايبانو في السيستام لي تقدر الضرائب التبعو و ايخلص الضرائب ديالو و أعتقد من أهم الاسباب لي خلت هاد الطريقة في الاداء تكون هي التقليص من نسبة الكاش في السوق و تتبع الاموال