كيف تبدأ الدروب شيبينغ بالمغرب "التجارة الاكترونية"

ليوما غادي نشرك معكم ثاني مشروع لي تقدر تبدا من راس المال صغير بزاف وهاد مشروع مافيهشي خسارة بالعكس ديما رابح وقبل منبدا نهدر عليه بغيت نقول ناس لي غادي تنتقد تكون عملت بحث اولا عندا فكرة ماشي غير طلقينها على ناس وكتحطمو فناس المهم بسم الله.
هاد مشروع اسمو دروب شيبينج طريقة دالخدما عليه مختلفا حيت غادي تخدم فالمغرب ماشي بحال شروحات لي كينا عليه فيوتيوب لي صعيب تنجاح فالمغرب وغادي نحول نقدم نصائح لي يسعدوك باش تميز و تجيب كليان بلا دك بلان ديال اعلانات الفيسبوك لي خصني نخصص عليها حتى هي شي موضوع لا بدا غير مع ناس لي قراب ليك ...

طريقة هي غادي تمشي عند أي محال كاين قريب ليك كيبيع وغادي تقولو هاد الكلمة لي غالبا ماغاديشي يرفض " بغيت نبقا نبيع هاد سلعا لي عندك ولكن غادي نبقا نتعمل معك ديما غادي تخليني نصور سلعا لي عندك و اي منتوج بيعتو غادي تخليلي ربح فيه" غادي يقبل حيت اي واحد باغي يبيع سلعا لي عندو فالول غادي يعطيك ربح قليل ولكن كلما تعاملتي معه غادي يزيد يخليلك ربح مزيان هوز صور ديال دك سلعا وريها نناس لي عندك فالواتساب و ناس لي عندك فالفيسبوك تقدر تبدا غير مع هاد ناس وهما يشهروك بين ناس

 اي كليان جاك وقال باغي شي حاجة سر عند مول محل شريها بثمن مثلا 100درهم وقل نكليان بلي كتبيع ب 150 درهم خداها مزيان مخدهاش رد منتوج لمول محال و هيدا تقدر تبيع بلا متخسر. هاد طريقة كيخدم بيها صديق ديالي لي تبارك الله و الله يزيدو كيربح منا من 2000حتى 5000درهم ولكن قدر يكسب عدد كبير دناس وكلشي على تيقا و معقول و الله يعون اي واحد