سجل ايميلك هنا ليصلك جديد الموقع بالمجان على ايميلك و بسرعة البرق

أدخل ايميلك هنا أسفله:

لا تنسى تفعيل تسجيلك بالضغط على الرابط داخل الايميل

كيفاش تصايب قناة يوتيب و تربح لفلوس منها

الناس الى كتسول على اليوتوب واش فيه فلوس ولا لا واش يستاهل تمارة وصبر والكريتيك ديال المتتبعين الى اخره...
الجواب ديالي اليوتوب منصة مفتوحة للمجميع فتحات بزاف ديال الابواب المقفلة قدام بزاف ديال الشباب وكاين موظفين وعمال سمحوا فالخدمة ديالهم وتفرغوا لليوتوب ومنهم صاحب القناة ديال بلاك موصيبة وكان موظف في بنك ومنهم فيصل فلوغ وكان خدام في فندق بمدينة أكادير
الارباح ديال اليوتوب أرباح خياليه واسماء بيوتي الغنيه عن التعريف تعطيكم لخبار من اليوتوب قدرات تفتح صالون وقدرات تشري 2 طنوبيلات وقدرات تبني فيلا وشرات سيارة ميرسيديس هدية لراجلها ب 64 مليون ، مشات الامارات دارت شهر العسل وخا معطل مهم دارتو ..... المهم الله يسهل عليها انا جبدتها غا باش مايجيش شي واحد يقول انه اليوتوب مافيه مايدار او ماشي خدمة
اليوتوبرز المغاربة راه ماكيبغيوش يقولو شحال تيدخلوا ديال لفلوس و ماكيبينوش للمشاهدين وكلهم دارو لباس
بلال عقاد من اليوتوب الان هوا عايش في تركيا كاري دار ب 2500 درهم وجهزها ماعندوا تا مدخول منغير اليوتوب وعايش بيه وشرا طنوبيل وبنا دار مع العلم ماطورش القنات ديالو ومزال قناة ديالو صغيرة بالمقارنة مع اسماء بيوتي وجمال ألفا وفيصل فلوغ
مداخل اليوتوب تاتجي من ادسنس عن طريق الاعلانات ديال الشركات بعدما كتحقق الشروط لى هيا 1000 مشترك و 4000 ساعة ديال المشاهدات
اليوتوب تيخلصك على حساب شحال ديال المشاهدات جبتي فداك شهر ماشي على المشتركين الى عندك وعلى ناس ل كطلع ليهم الاعلانات وكيدخلوا ليها
يمكن لقناة ديالك ماتقلبش ومايفعلوش ليك الدخل الى كنتي كتسرق الفيديوات او كنتي كدير المخلفات بزاف ضروري ترض بالك لحقوق الطبع والنشر وتقرا مزيان قنوانين اليوتوب
_ المتريال تقدار تبدا تصور غير بتليفون وخاصك بيسي باش دير المونتاج اسهل برنامج للمنتاج هوا فيلمورا وكاين ماحسن منو بحال ادوب برومير برو و خصك ميكرو
من الضروري يكون الصوت مزيان والتصوير مزيان مع الاضاءة الى كنتي فدار حيتاش المشاهد الا شاف صوت ناقص او الصورة خايبة غادي يقنط ويخرج ومايكملش الفيديوا ديك ساعة الخورزميات ديال ليوتوب الى شافوا المشاهدين ديالك ماكملوش الفيديوا ماتفعلوش معاه كطيحوا ليك وماتيطلعش من الاوائل في محركات البحث
.... افف عيت من بعد ونكمل 🤣🤣 سمحولي الى لقيت هتمام نكمل معاكم مرحبا ⁦♥️⁩ قبلوا عليه غا تنحب نعاون ولاد بداكشي لقديت عليه

شارك الموضوع

3ads related

مواضيع ذات صلة